Saluto, Jonathan!/Chapitre 3

ChapitresChapitre 2Chapitre 3Chapitre 4

bel e led
Lum es klok dekun (11). E plu tardi lum ve es klok dekdu (12).
Lo manja bifsteke.
Jonathan: »Me sava!» Lo have bon idee.

Triesmi chapitre (3.esmi chapitre)Edit

Duesmi maye (= 2 maye)Edit

Jonathan stea in Wien: li urbe Wien. Jonathan pensa ke Wien es bon, e ke Wien es bel. Jonathan non pensa ke Wien es led; lo pensa ke Wien es bel. Lo dikte: »Wien es bel urbe! Me ve skripte pri lu!» E lo skripte in li jurnale pri Wien. In li jurnale lo skripte: »Men triesmi die es tre bon! In li duesmi die me stead in München. Ma nun me stea in Wien: Wien non es München. München e Wien es du urbes; München non es Wien e Wien non es München. Me stea in Wien e li urbe es tre bel. Me ama Wien; li urbe non es led. Quam bel Wien es! Ma me have probleme

Quum? Jonathan have probleme? Qui probleme? Nun lo non vida li jurnale; lo vida li urbe e pensa. Lo pensa multim pri li probleme.

Li probleme de Jonathan es ke lo ama Wien, ma lo non have tempe.

Lo pensa: »Hm. Nun lum es klok set (7). Klok dek (10) li trene departa. Klok dek (10) minus klok set (7) es tri (3) hores. Tri hores non es multi tempe por bel urbe! Me non have tempe. Have tempe es bon, ma me non have lum! Skripte jurnale es bon, ma me non have tempe por skripte lu! Quum fa in Wien?»

Lo pensa: »Me non have multi tempe. Quum fa — skripte jurnale, o manja, o vida li urbe? Quum me ve fa?»

Lo pensa plu, e dikte: »Me have bon idee! Un momente…me pensa. Men trene departa klok dek (10). Ob es trene plu tardi, klok dekun (11), o klok dekdu (12), dektri (13), dekquar (14) o deksink (15)?»

Lo vida…yes! Es trene qui departa klok deksink. Nun Jonathan es felisi.

Jonathan dikte: »Deksink (15) minus set (7) es ot (8). Nun me have ot hores de tempe! Quum me ve fa?»


Lo dikte: »Me sava! Me ve manja bifsteke. E me ve drinka bire. Un momente…no, me ve drinka du bires, o tri bires. Bon idee!»

Nun Jonathan drinka bire in Wien, e manja bifsteke. Lo es felisi. Lo dikte: »Quam me es felisi! Me ama li urbe de Wien. Quam me ama voyajes!»

GramatikeEdit

deEdit

  • Jonathan pensa: men trene ve departa. = Li trene de Jonathan ve departa.
  • Jonathan skripte in jurnale. Lo skripte lu; lu es li jurnale de Jonathan.

plu tardiEdit

  • Lum es klok 10. Plu tardi, lum ve es klok 11.
  • Jonathan esed in München. Plu tardi, lo esed in Wien.
  • Jonathan pensad: »Me ve manja.» Plu tardi, lo manjad.

-nEdit

me men
Me es in li trene. Me es in men trene (men trene = li trene de me)

quiEdit

1) qui?Edit

  • Jonathan ama trene. Qui trene Jonathan ama? Jonathan ama li oldi trene.
  • Jonathan vida urbe. Qui urbe Jonathan vida? Jonathan vida li urbe de Wien.

2) quiEdit

  • Jonathan es in oldi trene. Jonathan ama li trene. Li trene qui Jonathan ama es oldi.
  • Jonathan vida Wien. Wien es urbe. Li urbe qui Jonathan vida es Wien.

quamEdit

  • Li trene es tre, tre oldi. Jonathan dikte: »Quam li trene es oldi!»
  • Li bifsteke es tre, tre bon. Jonathan dikte: »Quam li bifsteke es bon!»
  • Jonathan have grandi, tre grandi probleme. Jonathan dikte: »Quam men probleme es grandi!»

klok, horeEdit

klok

  • Lum es klok six: 6.00
  • Lum es klok du e dek: 2.10

hore = 60 minutes. Un hore = 60 minutes, du hores = 120 minutes. 6.00 es klok six e 2.00 es klok du. 6.00 minus 2.00 es quar hores.

quamEdit

quam = !

  • Li trene es bel. Quam bel li trene es!
  • Jonathan es inteligenti. Quam inteligenti lo es!

DepartaEdit

  • Li tren departad de München. Plu tardi, li trene esed in Wien.
  • Tri hores plu tardi, Jonathan ve departa.

Un, du, tri…Edit

  1. un
  2. du
  3. tri
  4. quar
  5. sink
  6. six
  7. set
  8. ot
  9. nin
  10. dek
  11. dekun
  12. dekdu…

VordaroEdit

 
Probleme: Quum es A?
  • bel 🦋🌹 ↔ led
  • bifsteke 🥩
  • bire 🍺
  • de
  • departa 🚶💼
  • drinka 👄🥤
  • fa
  • felisi 😀
  • have
  • hore 🕐🕑
  • idee 😀💡
  • klok 🕑
  • led ↔ bel 🦋🌹
  • manja 👄🍎
  • minus ➖
  • momente 🕑
  • multi 🍎🍎🍎
  • -n
  • probleme
  • quam
  • qui
  • sava
  • tempe 🕑
  • tre

Dikte:Edit

  • have = have
    • (have ≠ ave)
  • nk = ŋk
    • sink: siŋk