Saluto, Jonathan!/Chapitre 4

ChapitresChapitre 3Chapitre 4Chapitre 5

Quaresmi chapitre (4.esmi chapitre)Edit

 
Norde, este, sude, e veste.
 
Jonathan vidad li strade in Budapest.
 
Kastele, plu grandi kam hotele, ma min grandi kam burge.

Vor es Jonathan? Ob lo stea in Wien? No, lo stea in diferanti urbe. Lo stea in Bistrița. Quu es Bistrița? Lu es urbe in Rumania. Nun komensa li voyaje in Rumania.

Jonathan skripte in lon jurnale: »Li unesmi maye me esed in München. Li duesmi maye me esed in Wien. Aftru me esed in Budapest. Budapest esed bel. Ma me non have tempe in Budapest. Me vidad li strade in Budapest. In Budapest me pensad: hir fina li veste, e hir komensa li este. Budapest es diferanti.»

Lo pensa pokim plu pri Budapest. Lo pensa: »Me es persone quo veni de Anglia, de London. Me parla anglum, pro li persones in Anglia parla anglum. Ma in Budapest me non parlad kun li persones in anglum; me parlad in germanum. Men germanum non es bon, ma li persones in Budapest non parla anglum. Nus parlad in germanum. Lum es interesanti ke li persones in Budapest parla germanum.»

Nun Jonathan pensa pri lon voyaje. Lo pensa: »Me esed in li musee in London. In li musee esed libres pri altri lande. Mi lekted li libres. In li musee esed kartes pri altri lande. Me vidad li kartes. Li libres e li kartes dikted ke li altri lande es ferni, ma interesanti. In li altri lande es multi persones, multi diferanti persones.»

Nun Jonathan pensa plu pri lon voyaje. Lo pensa: »Yer me esed in Cluj-Napoca. Me manjad in Cluj-Napoca. Li nome del manjaje esed »paprika hendl». Lu es tre bon, li manjaje in Cluj-Napoca. Li hotele esed bon, ma me non dormid bonim. Ma li lande es tre bel! In li trene me vidad multi burges e multi kasteles. Urbe es plu grandi kam burge, ma li burges es tre bel. Kastele es plu grandi kam hotele, e plu bel kam hotele! Burges es min grandi kam urbe, ma les es bel, e hoteles es min grandi kam kasteles.»

Jonathan skripte plu in lon jurnale: »Bistrița es interesanti loke. Bistrița es oldi loke, plu oldi kam altri lokes. Anke men hotele in Bistrița es oldi, plu oldi kam altri hoteles. In li hotele me dikted men nome: »Me es Jonathan Harker» e les dikted a me: »Bonvenio al hotele.» In li hotele me vidad letre por me. Nun me ve lekte men letre.»

Jonathan lekte lon letre. Lu dikte:

»Men amiko. — Bonvenio. Dormi bonim. Me es in Bukovina, plesa veni a Bukovina. Ob li voyaje de London esed bon? Men lande es tre bel. Bonvenio a men lande.

Vun amiko,
DRACULA.»

Jonathan lekte li letre e pensa pri lon amiko Komto Dracula. Quo es lo? Lo non sava. Ma lon amiko es interesanti. Anke li burge Bistrița es interesanti. Jonathan es felisi, e pensa pri lon amiko. Aftru lo dormi.