Saluto, Jonathan!/Chapitre 2

ChapitresChapitre 1Chapitre 2Chapitre 3

Duesmi chapitre (2.esmi chapitre)Edit

Duesmi maye (= 2 maye)Edit

 
Oldi trene.
 
Voyaje in trene.
 
Me ama trenes!

Nun li viro es in li trene. Lo non es in München; lo es in trene. Lo voyaja. Lo pensa: »Nun me voyaja fro München a Wien. Lum es bon voyaje. Me ama voyajes

Lo pensa pri München. Lo pensa: »Nun me es in li trene, ma yer me esed in München. E nun me skripte jurnale in li trene, ma yer me skripted jurnale in München. E nun me pensa in li trene, ma yer me pensad in München. Yer me pensad pri München in München, e nun me pensa pri Wien in li trene. Nun me es in li trene, non in Wien. Ma me pensa e skripte pri Wien.»

Ob li viro nun pensa in München? No, lo nun non pensa in München. Lo pensa in li trene. Yer lo pensad in München. Lo dikte: »Saluto, trene!»

Li viro es in li trene, e lo voyaja a urbe. Li urbe non es München; München es li urbe de yer. Li urbe es Wien; Wien es li urbe de disdi.

Li viro pensa pri München e Wien. Lo pensa: »München esed li urbe de yer, e München esed bon. Nun lum es disdi, e me es in trene; li trene es bon. Ob Wien ve es bon?»

Li viro pensa pri München: München esed li urbe de yer. Lo pensa in li trene: lo es in li trene disdi. E lo pensa pri Wien: Wien ve es li urbe de morge.

E lo pensa: »München esed grandi. Li trene es grandi. Ob Wien ve es grandi?»

E lo pensa: »In München me skripted in jurnale. In li trene me skripte in jurnale. Ob in Wien me ve skripte in jurnale? Yes, morge in Wien me ve skripte in jurnale. Me ama jurnales.» Li viro pensa multim (lo pensa multim = lo pensa e pensa e pensa), e lo skripte multim. Yes, lo es inteligenti viro. Inteligenti viros skripte multim, e pensa multim. Lo es Jonathan; Jonathan es inteligenti viro.

Lo skripte: »Me es Jonathan. Me es in trene. Yer me stead in München; morge me ve stea in Wien.»

Lo pensa, e skripte: »Li trene…lu es bon, ma oldi. Lu non es nov; lu es oldi. Ob in München li trenes es oldi? Yes, li trenes de München es oldi. Ma li trenes de München es bon, e me ama li trenes de München. Yer me amad li trene in München, e disdi me ama li tren nun, e morge me ve ama li trene in Wien. Me ama trenes!»

Jonathan skripte: »München es bon urbe e oldi urbe, e Wien es bon urbe e oldi urbe. München e Wien non es nov, ma es bon. München e Wien es oldi, ma bon urbes. Li urbes non es nov, ma bon. Me ama urbes!»

Jonathan pensa, ke li duesmi die de voyaje es bon. Lo dikte: »Disdi esed bon duesmi die de voyaje. Me ama voyajes!»

GramatikeEdit

yer, disdi, morgeEdit

  • yer = 1 maye
  • disdi = 2 maye
  • morge = 3 maye

-dEdit

  • skripte: disdi me skripte, yer me skripted
  • pensa: disdi me pensa, yer me pensad
  • vida: disdi me vida, yer me vidad

veEdit

  • skripte: disdi me skripte, morge me ve skripte
  • pensa: disdi me pensa, morge me ve pensa
  • vida: disdi me vida, morge me ve vida

esEdit

  • es, es'ed, ve es

fro, aEdit

  • Fro München a Wien:
    • München → Wien
  • Fro Wien a München:
    • München ← Wien
1 maye (yer) 2 maye (disdi) 3 maye (morge)
skripte Jonathan skripted Jonathan skripte Jonathan ve skripte
pensa Jonathan pensad Jonathan pensa Jonathan ve pensa
vide Jonathan vidad Jonathan vida Jonathan ve vida
es Jonathan esed Jonathan es Jonathan ve es

VordaroEdit

  • a
  • ama ❤️
  • -d
  • disdi (yer → disdi → morge)
  • fro
  • ma
  • morge (yer → disdi → morge)
  • multim
  • nov
  • oldi 👴
  • -s 🍎🍎🍎
  • ve
  • voyaja
  • voyaje
  • yer (yer → disdi → morge)

Dikte:Edit

  • ésed (-d)
  • múltim (-m)
  • trénes (-s)
  • s = ss
    • disdi: díssdi
    • esed: éssed