Salom, Jonatan!/Printable version


Salom, Jonatan!

The current, editable version of this book is available in Wikibooks, the open-content textbooks collection, at
https://en.wikibooks.org/wiki/Salom,_Jonatan!

Permission is granted to copy, distribute, and/or modify this document under the terms of the Creative Commons Attribution-ShareAlike 3.0 License.

Mon 1

Inhare - Mono 1 - Mono 2 - Mono 3

 
Xaher.
 
Te eskri in dinali kitabu.
 
Ixu estay.
 
Ixu no estay.
 
Ixu is inteligen.
 
Ixu is dayo.

Unyum mono (1yum mono)Edit

Un de mesi lima (1 de mesi 5)Edit

Ixu estay in xaher. Ixu eskri dinali kitabu. Ixu oko xaher.

Kam ixu estay in xaher? Si, te estay in xaher.

Kam ixu estay in...ixu? No, te no estay in ixu. Te estay in xaher.

Kam ixu estay in tren? No, te ne estay in tren. Te estay in xaher. Ixu estay in xaher.

Kam ixu eskri dinali kitabu? Si, te eskri dinali kitabu.

Kam dinali kitabu eskri ixu? No, dinali kitabu no eskri ixu. Dinali kitabu no eskri. Ixu eskri. Ixu eskri dinali kitabu.

Kam xaher oko ixu? No, xaher no oko ixu. Xaher no oko. Ixu oko. Kam ixu oko xaher? Si, ixu oko xaher.

Ixu estay keloka? Te estay in xaher. Ixu eskri keto? Te eskri dinali kitabu. Ixu oko keto? Te oko xaher. Te estay in xaher, ji te eskri dinali kitabu, ji te oko xaher.

Kam ixu estay in dinali kitabu? No, te eskri in dinali kitabu. Kam ixu oko ixu? No, te no oko ixu; te oko xaher.

Ixu is dayo. Ixu is bono, ji ixu is inteligen. Te fikir. Te fikir tem xaher. Te fikir: “Xaher is keto? Kam xaher is bono? Kam xaher is dayo?”

Kam ixu eskri xaher? No, te no eskri xaher; xaher is dayo. Te eskri dinali kitabu; dinali kitabu no is dayo.

Kam dinali kitabu fikir tem ixu? No, dinali kitabu no fikir. Ixu fikir. Te fikir tem dinali kitabu, ji te fikir tem xaher.

Ji te eskri in dinali kitabu. Te eskri tem xaher. Te eskri: “Xaher is bono, ji xaher is dayo.”

Te fikir: “Xaher is bono”; te fikir ki xaher is bono. Te fikir: “Xaher is dayo”; te fikir ki xaher is dayo. Te fikir tem xaher, ji te fikir tem dinali kitabu.

Dinali kitabu is keto? Dinali kitabu is denloka hu ixu eskri; te eskri in dinali kitabu. In dinali kitabu, ixu eskri tem xaher. In dinali kitabu, ixu no eskri tem tren; ixu estay in xaher, no in tren. Te no fikir tem tren; te fikir tem xaher, xaher Muncen.

Xaher is keto? To is Muncen. Muncen is keloka? To is denloka hu ixu estay. Ixu is keloka? Te is in Muncen.

Si, Muncen is dayo xaher, ji bono xaher. Ixu fikir ki Muncen is bono xaher, ji te fikir ki to is dayo xaher. Ixu is inteligen. Te loga: “Salom, Muncen!” Te is bono ixu!

Ixu estay ji fikir: “Tren is keloka?” Te oko...te oko tren! Te fikir: “Tren!” Fe nunya, te no fikir tem dinali kitabu ji no fikir tem xaher; te fikir tem tren!

GramatiEdit

Lima (5) falexi + falexi “is”Edit

  • Falexi: eskri, estay, fikir, loga, oko
  • Falexi “is”: is

TariheEdit

  • Mesi lima, 2019 is 2019-05.
    • Un de mesi lima is 2019-05-01.
    • Dua de mesi lima is 2019-05-02.
    • Tiga de mesi lima is 2019-05-03.

kamEdit

  • kam = ?
    • Ixu estay in xaher.
    • Kam ixu estay in xaher?

temEdit

  • Ixu fikir tem Muncen.
  • Ixu eskri tem Muncen.
  • Ixu eskri: “Mi oko tren!” Te eskri tem tren.

·yumEdit

  • un = 1
    • un·yum
  • dua = 2
    • dua·yum
  • tiga = 3
    • tiga·yum

LexilarEdit

  • bono
  • dayo
  • den·loka
  • dina·li kitabu
  • eskri
  • estay
  • fe nun·ya
  • fikir
  • hu
  • in
  • inteligen
  • is
  • ixu
  • ji
  • kam
  • ke·loka
  • ke·to
  • ki
  • loga
  • no ↔ si
  • oko
  • salom
  • si ↔ no
  • te
  • tem
  • tren
  • xaher

Am loga:Edit

  • h = kh
    • hu: khu
    • xaher: xakher
  • x = sh
    • ixu: ishu
    • xaher: shaher


Mon 2

Inhare - Mono 1 - Mono 2 - Mono 3

 
Lama tren.
 
Turi in tren.
 
Mi suki tren!

Duayum mono (2yum mono)Edit

Dua de mesi lima (2 de mesi 5)Edit

Fe nunya, ixu is in tren. Te no is in Muncen; te is in tren. Te turi. Te fikir: “Fe nunya, mi turi of Muncen cel Vina. To is bono turi. Mi suki turi.”

Te fikir tem Muncen. Te fikir: “Fe nunya, mi is in tren, mas fe ledina, mi le is in Muncen. Ji fe nunya, mi eskri dinali kitabu in tren, mas fe ledina, mi le eskri dinali kitabu in Muncen. Ji fe nunya, mi fikir in tren, mas fe ledina, mi le fikir in Muncen. Fe ledina, mi fikir tem Muncen in Muncen, ji fe nunya, mi fikir tem Vina in tren. Fe nunya, mi is in tren, no in Vina. Mas mi fikir ji eskri tem Vina.”

Kam fe nunya, ixu fikir in Muncen? No, te ne fikir fe nunya in Muncen. Te fikir in tren. Fe ledina, te le fikir in Muncen. Te loga: “Salom, tren!”

Ixu is in tren, ji te turi cel xaher. Xaher no es Muncen; Muncen is xaher of ledina. Xaher is Vina; Vina is xaher of nundina.

Ixu fikir tem Muncen ji Vina. Te fikir: “Muncen le is xaher of ledina, ji Muncen le is bono. Fe nunya, to is nundina, ji mi is in tren; tren is bono. Kam Vina xa is bono?”

Ixu fikir tem Muncen: Muncen le is xaher of ledina. Te fikir in tren: te is in tren fe nundina. Ji te fikir tem Vina: Vina xa is xaher of xadina.

Ji te fikir: “Muncen le is dayo. Tren is dayo. Kam Vina xa is dayo?”

Ji te fikir: “In Muncen, mi le eskri in dinali kitabu. In tren, mi eskri in dinali kitabu. Kam in Vina, mi xa eskri in dinali kitabu? Si, fe xadina in Vina mi xa eskri in dinali kitabu. Mi suki dinali kitabu.” Ixu multi fikir (te multi fikir = te fikir ji fikir ji fikir), ji te multi eskri. Si, te is inteligen ixu. Inteligen ixu multi eskri ji multi fikir. Te is Jonatan; Jonatan is inteligen ixu.

Te eskri: “Mi is Jonatan. Mi is in tren. Fe ledina, mi le estay in Muncen; fe xadina, mi xa estay in Vina.”

Te fikir, ji eskri: “Tren...to is bono, mas lama. To no is newe; to is lama. Kam in Muncen, tren is lama? Si, tren in Muncen is lama. Mas tren in Muncen is bono, ji mi suki tren of Muncen. Fe ledina, mi le suki tren in Muncen, ji fe nundina, mi suki tren fe nunya, ji fe xadina, mi xa suki tren in Vina. Mi suki tren!”

Jonatan eskri: “Muncen is bono xaher ji lama xaher, ji Vina is bono xaher ji lama xaher. Muncen ji Vina no is newe, mas is bono. Muncen ji Vina is lama, mas bono xaher. Xaher no is newe, mas bono. Mi suki xaher!”

Jonatan fikir, ki duayum dina fe turi is bono. Te loga: “Nundina le is bono duayum dina fe turi. Mi suki turi!”

GramatiEdit

le·dina, nun·dina, xa·dinaEdit

  • le·dina = un de mesi lima (05-01)
  • nun·dina = dua de mesi lima (05-02)
  • xa·dina = tiga de mesi lima (05-03)

leEdit

  • eskri: fe nundina, mi eskri; fe ledina, mi le eskri
  • fikir: fe nundina, mi fikir; fe ledina, mi le fikir
  • oko: fe nundina, mi oko; fe ledina, mi le oko

xaEdit

  • eskri: fe nundina, mi eskri; fe xadina, mi xa eskri
  • fikir: fe nundina, mi fikir; fe xadina, mi xa fikir
  • oko: fe nundina, mi oko; fe xadina, mi xa oko

isEdit

  • eskri: eskri, le eskri, xa eskri
  • fikir: fikir, le fikir, xa fikir
  • oko: oko, le oko, xa oko
  • is: is, le is, xa is

of, celEdit

  • of Muncen cel Vina:
    • Muncen → Vina
  • of Vina cel Muncen:
    • Muncen ← Vina


1 de mesi 5 (ledina) 2 de mesi 5 (nundina) 3 de mesi 5 (xadina)
eskri Jonatan le eskri Jonatan eskri Jonatan xa eskri
fikir Jonatan le fikir Jonatan fikir Jonatan xa fikir
oko Jonatan le oko Jonatan oko Jonatan xa oko
is Jonatan le is Jonatan is Jonatan xa is

LexilarEdit

  • cel
  • dina
  • fe
  • lama ↔ newe
  • le
  • le·dina (ledina → nundina → xadina)
  • mas
  • multi
  • newe ↔ lawa
  • nun·dina (ledina → nundina → xadina)
  • of
  • suki
  • to
  • turi
  • xa
  • xa·dina (ledina → nundina → xadina)

Am loga:Edit

  • c = ch
    • cel: chel


Mon 3

Inhare - Mono 2 - Mono 3 - Mono 4

 
meli ji colo
 
To is des un (11) satu. Ji max dyer, to xa is des dua (12) satu.
 
Te yam mumuso.
 
Jonatan: “Mi jixi!” Te hare bono idey.

Tigayum mono (3yum mono)Edit

Dua de mesi lima (2 de mesi 5)Edit

Jonatan estay in Vina: xaher fe Vina. Jonatan fikir ki Vina is bono, ji ki Vina is meli. Jonatan no fikir ki Vina is colo; te fikir ki Vina is meli. Te loga: “Vina is meli xaher! Mi xa eskri tem to!” Ji te eskri in dinali kitabu tem Vina. In dinali kitabu, te eskri: “Misu tigayum dina is daymo bono! In duayum dina, mi le estay in Muncen. Mas fe nunya, mi estay in Vina: Vina no is Muncen. Muncen ji Vina is dua xaher; Muncen no is Vina, ji Vina no es Muncen. Mi estay in Vina, ji xaher is daymo meli. Mi suki Vina; xaher no is colo. Vina is denmo meli! Mas mi hare problem.”

Keto? Jonatan hare problem? Ke problem? Fe nunya, te no oko xaher ji fikir. Te multi fikir tem problem.

Problem de Jonatan is ki te suki Vina, mas te no hare watu.

Te fikir: “Em. Fe nunya, to is sabe (7) satu. Fe des (10) satu, tren xoridi. Des (10) satu minus sabe (7) satu is tiga (3) satu. Tiga satu no is multi watu tas meli xaher! Mi ne hare watu. Na hare watu is bono, mas mi no hare to! Na eskri dinali kitabu is bono, mas mi no hare watu tas na eskri to! Keto na fale in Vina?”

Te fikir: “Mi no hare multi watu. Keto na fale—eskri dinali kitabu, or yam, or oko xaher? Mi xa fale keto?”

Te max fikir, ji loga: “Mi hare bono idey! Un momento...mi fikir. Misu tren xoridi fe des (10) satu. Kam hay tren max dyer, fe des un (11) satu, or des dua (12), des tiga (13), des care (14), or des lima (15) satu?”

Te oko...si! Hay tren hu xoridi fe des lima satu. Fe nunya, Jonatan is kox.

Jonatan loga: “Des lima (15) minus sabe (7) is oco (8). Fe nunya, mi hare oco satu fe watu! Mi xa fale keto?”

Te loga: “Mi jixi! Mi xa yam mumuso. Ji mi xa glu bira. Un momento...no, mi xa glu dua bira, or tiga bira. Bono idey!”

Fe nunya, Jonatan glu bira in Vina, ji yam mumuso. Te is kox. Te loga: “Mi is denmo kox! Mi suki xaher fe Vina. Mi denmo suki turi!”

GramatiEdit

FalexiEdit

  • Nenlimitexey de falexi is “na”. Fikir = na fikir, eskri = na eskri, yam = na yam, hare = na hare.
    • Jonatan fikir: “Keto na yam?”, ji te yam mumuso.
    • Jonatan fikir: “Na hare watu is bono!” Te no hare watu.

deEdit

  • Jonatan fikir: Misu tren xa xoridi. = Tren de Jonatan xa xoridi.
  • Jonatan eskri in dinali kitabu. Te eskri to; to is dinali kitabu de Jonatan.

hayEdit

  • hay = is
    • Kam hay ixu in tren? Si, hay ixu; te is Jonatan.
    • Kam hay dinali kitabu in mumuso? No, no hay dinali kitabu in mumuso.

max dyerEdit

  • To is 10 satu. Max dyer, to xa is 11 satu.
  • Jonatan le is in Muncen. Max dyer, te le is in Vina.
  • Jonatan le fikir: “Mi xa yam.” Max dyer, te le yam.

mi·suEdit

mi mi·su
Mi is in tren. Mi is in misu tren (misu tren = tren de mi)

keEdit

1) ke?Edit

  • Jonatan suki tren. Jonatan suki ke tren? Jonatan suki lama tren.
  • Jonatan oko xaher. Jonatan oko ke xaher? Jonatan oko xaher fe Vina.

2) huEdit

  • Jonatan is in lama tren. Jonatan suki tren. Tren hu Jonatan suki is lama.
  • Jonatan oko Vina. Vina is xaher. Xaher hu Jonatan oko is Vina.

den·moEdit

  • Tren is daymo, daymo lama. Jonatan loga: “Tren is denmo lama!”
  • Mumuso is daymo, daymo bono. Jonatan loga: “Mumuso is denmo bono!”
  • Jonatan hare dayo, daymo dayo problem. Jonatan loga: “Misu problem is denmo dayo!”

satuEdit

satu

  • To is sisa satu: 6:00
  • To is dua satu ji des minuto: 2:10

satu = 60 minuto. Un satu = 60 minuto, dua satu = 120 minuto. 6:00 is sisa satu, ji 2:00 is dua satu. 6:00 minus 2:00 is care satu.

den·moEdit

  • den·mo = !
    • Tren is meli. Tren is denmo meli!
    • Jonatan is inteligen. Jonatan is denmo inteligen!

xor·idiEdit

  • Tren xoridi of Muncen. Max dyer, tren le is in Vina.
  • Tiga satu max dyer, Jonatan xoridi.

un, dua, tiga...Edit

  • 1: un
  • 2: dua
  • 3: tiga
  • 4: care
  • 5: lima
  • 6: sisa
  • 7: sabe
  • 8: oco
  • 9: nue
  • 10: des
  • 11: des un
  • 12: des dua...

LexilarEdit

 
Te is kox.
 
Problem: A is keto?
  • bira
  • colo ↔ meli
  • day·mo
  • de
  • den·mo
  • dyer
  • em
  • fale
  • glu
  • hare
  • hay
  • idey
  • jixi
  • ke
  • ke·to
  • kox
  • max: multi
  • meli ↔ colo
  • minus
  • mi·su
  • momento: no multi watu
  • mumu·so
  • na
  • or
  • problem
  • satu
  • tas
  • watu
  • xor·idi
  • yam


Mon 4

Inhare - Mono 3 - Mono 4 - Mono 5

Careyum mono (4yum mono)Edit

 
Utara, dongo, sude, ji garebi.
 
Jonatan le oko dolo in Budapext.
 
Kastilo, maxmo dayo kom hotel, mas minmo dayo kom lilxaher.

Jonatan is keloka? Kam te estay in Vina? No, te estay in alo xaher. Te estay in Bistritsa. To is xaher in Rumani. Fe nunya, turi xorucu in Rumani.

Jonatan eskri in tesu dinali kitabu: “Fe un de mesi lima, mi le is in Muncen. Fe dua de mesi lima, mi le is in Vina. Xafe to, mi le is in Budapext. Budapext le is meli. Mas mi no hare watu in Budapext. Mi oko dolo in Budapext. In Budapext, mi fikir: Garebi finicu hinloka, ji dongo xorucu hinloka. Budapext is alo.”

Te xosumo max fikir tem Budapext. Te fikir: “Mi is person hu da ata of Engli, of London. Mi pala Englisa, koski person in Engli pala Englisa. Mas in Budapext, mi no le pala Englisa ton person; mi le pala Doycisa. Misu Doycisa no is bono, mas person in Budapext no pala Englisa. Imi le pala Doycisa. To is interesne ki person in Budapext pala Doycisa.”

Fe nunya, Jonatan fikir tem tesu turi. Te fikir: “Mi le is in museum in London. In museum, le hay kitabu tem alo dexa. Mi le doxo kitabu. In museum, le hay harita tem alo dexa. Mi le oko harita. Kitabu ji harita loga ki alo dexa is teli, mas interesne. In alo dexa, hay multi person, multi alo person.”

Fe nunya, Jonatan max fikir tem tesu turi. Te fikir: “Fe ledina, mi le is in Kluj-Napoka. Mi le yam in Kluj-Napoka. Name de yamxey is ‘paprika hendl’. To is daymo bono, yamxey in Kluj-Napoka. Hotel le is bono, mas mi le no bono somno. Mas dexa is daymo meli! In tren, mi le oko multi lilxaher ji multi kastilo. Xaher is maxmo dayo kom lilxaher, mas lilxaher is daymo meli. Kastilo is maxmo dayo kom hotel, ji maxmo meli kom hotel! Lilxaher is minmo dayo kom xaher, mas oto is meli, ji hotel is minmo dayo kom kastilo.”

Jonatan max eskri in tesu dinali kitabu: “Bistritsa is interesne dome. Bistritsa is lama dome, maxmo lama kom alo dome. Misu hotel in Bistritsa is pia lama, maxmo lama kom alo hotel. In hotel, mi le loga misu name: ‘Mi is Jonatan Harker.’ ji ete le loga tas mi: ‘Bonata cel hotel.’ In hotel, mi le oko suratu tas mi. Fe nunya, mi xa doxo misu suratu.”

Jonatan doxo tesu suratu. To loga:

“Misu doste.—Bonata. Am bono somno. Mi is in Bukovina, fe lutuf ata cel Bukovina. Kam turi of London le is bono? Misu dexa is daymo meli. Bonata cel misu dexa.

Yusu doste, DRAKULA.”

Jonatan doxo suratu ji fikir tem tesu doste Lilestatoyen Drakula. Te is kete? Te no jixi. Mas tesu doste is interesne. Lilxaher Bistritsa is pia interesne. Jonatan is kox, ji fikir tem tesu doste. Xafe to, te somno.

GramatiEdit

aloEdit

  • Jonatan ata of Engli. Te no ata of Rumani. Rumani is alo dexa. (= Rumani no is Engli; to is alo dexa.)

ete, otoEdit

  • Ixu is te. Dua, tiga, care...ixu is ete.
  • Kitabu is to. Dua, tiga, care...kitabu is oto.
  • Ixu ji kitabu is oto.

max·mo ... kom, min·mo ... komEdit

  • max·mo ... kom: >
    • Jonatan is maxmo dayo kom dinali kitabu. = Jonatan > dinali kitabu (Jonatan is dayo; dinali kitabu no is dayo.)
    • Na yam mumuso is maxmo bono kom na no yam mumuso. = na yam mumuso > na no yam mumuso (Na yam mumuso is bono; na no yam mumuso no is bono.)
  • min·mo ... kom: <
    • Baytu is minmo dayo kom kastilo. = baytu < kastilo (Kastilo is dayo; baytu no is dayo.)
    • Na yam dinali kitabu is minmo bono kom na yam mumuso. = na yam dinali kitabu < na yam mumuso (Na yam mumuso is bono; na yam dinali kitabu no is bono.)

teliEdit

  • Fe nundina, Jonatan is in tren; fe ledina, te le is in tren; fe xadina, te xa is in tren. Rumani is teli.

te·su, to·suEdit

  • te → te·su
    • Jonatan doxo suratu. To is suratu de Jonatan. To is tesu suratu.
  • to → to·su
    • Xaher hare museum. To is museum de xaher. To is tosu museum.

yu, yu·suEdit

  • Jonatan yam yamxey. Person loga: “Yu yam. Kam yusu yamxey is bono?” (yusu = de Jonatan)
  • Jonatan fikir tem Drakula. Te fikir: “Drakula, yu is bono ixu. Yusu dexa is daymo meli.”

LexilarEdit

  • alo
  • ata
  • bon·ata
  • da
  • dexa
  • dolo
  • dome
  • dongo
  • doxo
  • Doyci·sa
  • Engli
  • Engli·sa
  • fini·cu ↔ xoru·cu
  • garebi
  • harita
  • hin·loka
  • hotel
  • interes·ne
  • kastilo
  • ke·te
  • kos·ki
  • lil·estato·yen
  • lil·xaher
  • max·mo ... kom ↔ min·mo ... kom
  • min ↔ max
  • min·mo ... kom ↔ max·mo ... kom
  • ·mo
  • museum
  • name
  • oto
  • pala
  • person
  • pia
  • somno
  • suratu
  • teli
  • te·su
  • ton
  • xa·fe to
  • xoru·cu ↔ fini·cu
  • xosu
  • yam·xey
  • yu·su