Haloo, Jonatan!/Chapta 1

Kontenas - Chapta 1 - Chapta 2 - Chapta 3

Urba.

Lu skribi in deykitaba.

Man stan.

Man bu stan.

Man es intele.

Man es gran.

Un-ney chapta

Un-ney mey (1 mey)

Man stan in urba. Man skribi deykitaba. Man vidi urba.

Ob man stan in urba? Ya, lu stan in urba.

Ob man stan in...man? Non, lu bu stan in man. Lu stan in urba.

Ob man stan in tren? Non, lu bu stan in tren. Lu stan in urba. Man stan in urba.

Ob man skribi deykitaba? Ya, lu skribi deykitaba.

Ob deykitaba skribi man? Non, deykitaba bu skribi man. Deykitaba bu skribi. Man skribi. Man skribi deykitaba.

Ob urba vidi man? Non, urba bu vidi man. Urba bu vidi. Man vidi. Ob man vidi urba? Ya, man vidi urba.

Wo stan man? Lu stan in urba. Kwo man skribi? Lu skribi deykitaba. Kwo man vidi? Lu vidi urba. Lu stan in urba, e lu skribi deykitaba, e lu vidi urba.

Ob man stan in deykitaba? Non, lu skribi in deykitaba. Ob man vidi man? Non, lu bu vidi man; lu vidi urba.

Man es gran. Man es hao, e man es intele. Lu dumi. Lu dumi om urba. Lu dumi: “Kwo es urba? Ob urba es hao? Ob urba es gran?”

Ob man skribi urba? Non, lu bu skribi urba; urba es gran. Lu skribi deykitaba; deykitaba bu es gran.

Ob deykitaba dumi om man? Non, deykitaba bu dumi. Man dumi. Lu dumi om deykitaba, e dumi om urba.

E lu skribi in deykitaba. Lu skribi om urba. Lu skribi: “ urba es hao, e urba es gran.”

Lu dumi: “urba es hao”; lu dumi ke urba es hao. Lu dumi: “ urba es gran”; lu dumi ke urba es gran. Lu dumi om urba, e lu dumi om deykitaba.

Kwo es deykitaba? Deykitaba es wo man skribi; lu skribi in deykitaba. In deykitaba, man skribi om urba. In deykitaba, man bu skribi om tren; man stan in urba, bu in tren. Lu bu dumi om tren; lu dumi om cité, urba Munih.

Kwo es urba? It es Munih. Wo es Munih? It es wo man stan. Wo es man? Lu es in Munih.

Ya, Munih es gran urba, e hao urba. Lu dumi ke Munih es hao urba, e lu dumi ke it es gran urba. Man es intele. Lu shwo: “Haloo, Munih!” Lu es hao man!

Man stan e dumi: “Wo es tren?” Lu vidi...lu vidi tren! Lu dumi: "Tren!" Nau lu bu dumi om deykitaba e bu dumi om urba; lu dumi om tren!

Gramatika

Dwa (2) zwo-wordas

• zwo-wordas in i: skribi, dumi, vidi
• otre zwo-wordas: stan, shwo, es

ob

• ob = ?
  • Man stan in urba.
  • Ob man stan in urba?

-ney

• un = 1
  • un-ney
• dwa = 2
  • dwa-ney
• tri = 3
  • tri-ney

• Mey 2019 es 2019.05.
  • Un-ney mey es 2019.05.01.
  • Dwa-ney mey es 2019.05.02.
  • Tri-ney mey es 2019.05.03

om

• Man dumi om Munih.
• Man skribi om Munih.
• Man skribi: "Me vidi tren!" Lu skribi om tren.

Lexikon

• hao: 👍
• urba 🏙️
• es
• ob (?)
• gran
• in
• it
• intele 🧠
• deykitaba 📝
• man 👨🏻
• non ↔ ya
• dumi: 💭
• om
• ke
• kwo
• haloo 👋
• skribi 🖋️
• stan 🧍
• tren 🚂
• wo 🗺️ 🤷‍♂️
• un = 1
• vidi 👀
• shwo 🗣️
• nau