Haloo, Jonatan!/Chapta 3

Tri-ney Chapta

jamile e kurupe

Es shi-un (11) oras. E pyu tarde ve bi shi-dwa (12) oras.

Lu chi biftek.

Jonatan: "Me jan!" Lu hev hao idea.

Dwa-ney mey (2 mey)

Jonatan stan in Viena: urba de Viena. Jonatan dumi ke Viena es hao, e ke Viena es jamile. Jonatan bu dumi ke Viena es kurupe; lu dumi ke Viena es jamile. Lu shwo: "Viena es jamile urba! Me sal skribi om it!" E lu skribi en dey-kitaba om Viena. En dey-kitaba lu skribi: "May tri-ney dey es muy hao! Pa dwa-ney dey, yo stan-te in Munih. Bat nau me stan in Viena: Viena bu es Munih. Munih e Viena es dwa urbas; Munih bu es Viena e Viena bu es Munih. Me stan in Viena e sey urba es muy jamile. Me lubi Viena; sey urba bu es kurupe. Komo jamile es Viena! Bat me hev problema."

Kwo? Jonatan hev problema? Kwel problema? Nau lu bu vidi dey-kitaba; lu vidi urba e dumi. Lu dumi mucho om problema.

Problema de Jonathan es ke lu lubi Viena, bat lu bu hev taim.

Lu dumi: “Hmm. Nau es sem (7) oras. Pa shi (10) oras, tren departi. Shi (10) oras minus sem (7) oras es tri (3) oras. Tri oras ne es mucho taim fo jamile urba! Me bu hev taim. Tu hev taim es hao, bat me bu hev it! Tu skribi dey-kitaba es hao, bat me bu hev taim fo skribi it! Kwo me zwo in Viena?”

Lu dumi: "Me bu hev mucho taim. Kwo tu zwo - skribi dey-kitaba, o chi, o vidi urba? Kwo me ve zwo?"

Lu dumi pyu, e shwo: “Me hev hao idea! Un momenta...me dumi. May tren departi a shi (10) oras. Ob tren ye pyu tarde, a shi-un (11) oras, o shi-dwa (12), shi-tri (13), shi-char (14) o shi-pet (15) oras?"

Lu vidi… ya! Tren ye kel departi a shi-pet oras. Nau Jonatan es felise.

Jonatan shwo: “Shi-pet (15) minus sem (7) es ot (8). Nau me hev ot oras de taim! Kwo me ve zwo?”

Lu shwo: “Me jan! Me ve chi biftek. E me ve pi bir. Un momenta...bu, me ve pi dwa bires, o tri bires. Hao idea!”

Nau Jonatan pi bir in Viena, e chi biftek. Lu es felise. Lu shwo: “Komo me es felise! Me lubi urba de Viena. Komo me lubi safaras!”