Salut Jonathan!/Kapitro 2

Dua kapitro (2a kapitro) edit

Du Mey (2 Mey) edit

 
Un olda tren.
 
Un travel in un tren.

Nun lo vir sar nel tren. Il no sar in Munik; il sar in un tren. Il travelar. Il pensar: “Nun mi travelar da Munik a Wien. Sar un bona travel. Mi amar travelos.”

Il pensar pri Munik. Il pensar: “Nun mi sar nel tren, mo yer mi sir in Munik. E nun mi skribar nel tren, mo yer mi skribir in Munik. E nun mi pensar nel tren, mo yer mi pensir in Munik. Yer mi pensir pri Munik nel Munik, e nun mi pensar pri Wien nel tren. Nun mi sar nel tren, no in Wien. Mo mi pensar e skribar pri Wien.”

Cu lo vir pensar nun in Munik? No il no pensar nun in Munik. Il pensar nel tren. Yer li pensir in Munik. Il dicar: “Salut, tren!”

Lo vir sar nel tren, ed il travelar a un civ. Lo civ no sar Munik; Munik sar lo civ de yer. Lo civ sar Wien; Wien sar lo civ de oje.

Lo vir pensar pri Munik e Wien. Il pensar: “Munik sir lo civ de yer, e Munik sir bona. Sar nun oje, e mi sar in un tren; lo tren sar bona. Cu Wien sor bona?”

Lo vir pensar pri Munik: Munik sir lo civ de yet. Il pensar nel tren: il sar oje nel tren. Ed il pensar pri Wien: Wien sor lo civ de kras.”

Ed il pensar: “Munik sir grana. Lo tren sar grana. Cu Wien sor grana?”

Ed il pensar: “In Munik mi skribir in un jornal. Nel tren mi skribar in un jornal. Cu in Wien mi skribor in un jornal? Ya, kras in Wien, mi skribor in un jornal. Mi amar jornalos.” Lo vir pensar mule (li pensar mule = li pensar e pensar a pensar), ed il skribar mule. Ya, il sar un kleva vir. Kleva viros skribar mule e pensar mule. Il sar Jonathan; Jonathan sar un kleva vir.

Il skribar: “Mi sar Jonathan. Mi sar in un tren. Yer mi starir in Munik; kras mi staror in Wien.”

Il pensar e skribar: “Lo tren... it sar bona, mo olda. It no sar nuva; it sar olda. Cu in Munik lo trenos sar olda? Ya, lo trenos in Munik sar olda. Mo lo trenos in Munik sar bona, e mi amar lo trenos in Munik. Yer mi amir lo tren in Munik, e oje mi amar lo tren nun, e kras mi amor lo tren in Wien. Mi amar trenos!”

Jonathan skribar: “Munik sar un bona civ ed un olda civ, e Wien sar un bona civ ed un olda civ. Munik e Wien no sar nuva, mo Munik e Wien sar bona. Munik e Wien sar olda, mo bona civos. Lo civos no sar nuva, mo lo civos sar bona. Mi amar civos!”

Jonathan pensar ke lo dua id de travel sar bon. Il dicar: “Oje sir un bona dua id de travel. Mi amar travelos!”

Gramatik edit

Yer, oje, kras edit

  • yer = un Mey (05.01)
  • oje = du Mey (05.02)
  • kras = tre Mey (05.03)

-ir edit

  • skribi: oje mi skribar, yer mi skribir
  • pensi: oje mi pensar, yer mi pensir
  • vidi: oje mi vidar, yer mi vidir

-or edit

  • skribi: oje mi skribar, kras mi skribor
  • pensi: oje mi pensar, kras mi pensor
  • vidi: oje mi vidar, kras mi vidor

da, a edit

  • Da Munik a Wien:
    • Munik → Wien
  • Da Wien a Munik:
    • Munik ← Wien
1 Mey (yer) 2 Mey (oje) 3 Mey (kras)
skribi Jonathan skribir Jonathan skribar Jonathan skribor
pensi Jonathan pensir Jonathan pensar Jonathan pensor
vidi Jonathan vidir Jonathan vidar Jonathan vidor
si Jonathan sir Jonathan sar Jonathan sor

Vokablar edit

  • amar ❤️
  • id 🌤️📆
  • kras (yer → oje → kras)
  • mule
  • nun
  • oje (yer → oje → kras)
  • olda ↔ nuva
  • travel
  • travelar
  • yer (yer → oje → kras)