A Latin Reader/Dialogues/De Familia Sophiae

Personae: Sophia, Petrus

Pet: Salva sis, Sophia.

Sop: Salve similiter, mi Petre. Suntne omnia prospera tibi?

Pet: Bene mihi est. Quid tu?

Sop: Valeo quidem, sed frater meus valde aegrotat. Timeo ne ipsa aegrotare incipiam.

Pet: Curandum est ergo ne visas eum.

Sop: Recte mones, sed quam difficile est cognatos nostros non visere.

Pet: Quot habes fratres et sorores?

Sop: Haha, bene rogas. Mihi sunt tres sorores et duo fratres.

Pet: Quam magnam familiam! Beati sunt parentes vestri.

Sop: Beati quidem sunt. Cum puella essem, nunquam tacita fuit domus nostra. Sed cognatos meos diligo magno amore.

Pet: Inde fit ut difficule sit fratrem aegrotantem non visere.

Sop: Recte dicis. Sed mox ad valetudinem revocabitur. Deinde, eum visam. Bene valeas, Petre!

Pet: Et tu cura ut quam optime valeas!